VIDEO/ Tentoi ti vidhte me dhunë sendet një gruaje në Tiranë, arrestohet 30-vjeçari

Policia e Tiranës ka arrestuar një 30-vjeçar pasi dyshohet se më datë 18.11.2025, ka tentuar ti vjedhi me dhunë sendet personale një shtetaseje.

“Nga veprimet hetimore rezulton se më datë 18.11.2025, ky shtetas ka tentuar ti vjedhi me dhunë sendet personale një shtetaseje”, thuhet në njoftimin e policisë.

Po ashtu policia njofton se 30-vjeçari N.H dyshohet edhe për një rast tjetër, ku më datë 09.11.2025, një 54-vjeçari i është vjedhur një shumë parash nëpërmjet ushtrimit të dhunës.

Njoftimi i policisë

“Shërbimet e Komisariatit të Policisë Nr. 4, në vijim të punës për parandalimin e vjedhjeve, zbardhjen e atyre të ndodhura më parë dhe vënien përpara përgjegjësisë penale të autorëve, organizuan dhe finalizuan me sukses operacionin policor të koduar “Darkness”, në kuadër të të cilit u arrestua shtetasi:

– N. H., 30 vjeç, banues në Tiranë.

Nga veprimet hetimore rezulton se më datë 18.11.2025, ky shtetas ka tentuar ti vjedhi me dhunë sendet personale një shtetaseje.

Gjithashtu, dyshohet se më datë 09.11.2025, nëpërmjet ushtrimit të dhunës, i ka vjedhur një shumë parash një 54-vjeçari.

Vijon puna për dokumentimin e rasteve të tjera të mundshme të vjedhjeve të kryera nga ky shtetas.

Materialet procedurale i kaluan Prokurorisë, për veprime të mëtejshme”. njofton policia.