Detaje të reja janë mësuar në lidhje me plagosjen e ndodhur ditën e hënë në zonën e Komunës së Parisit në kryeqytet, ku efektivi Erion Goxhara plagosi me disa plumba shtetasin Lorenc Kosta.
Sipas hetimeve ka rezultuar se pas ngjarjes autori e ka xhiruar me celular të plagosurin dhe videon ja ka dërguar kunatit të tij.
Po ashtu mënjëhërë pas ngjarjes polici ka telefonuar djalin e tij duke i kërkuar ta priste tek rrethi i Shkozës, ku pasi kanë marrë një taksi kanë lëvizur drejt zonës së Freskut.
Rrugës në taksi, Goxhara ka biseduar në telefon me drejtues policie duke refuzuar të dorëzohet madje duke u shprehur se më mir vras vetën se të kalbem në burg.
Në zonën e “Freskut” ai është dalluar nga disa punonjës policie civil të cilën e kanë ndjekur me vrap por polici i kufirit ka arritur të largohet.
Po ashtu sipas hetimeve rezulton se polici Erjon Goxhara në muajin korrik ka telefonuar inxhinierin Lorenc Kosta duke e kërcënuar me jetë për motive xhelozie.
Ngjarja e rëndë dyshohet se erdhi pas një konflikti për motive të dobëta që punonjësi i policisë së kufirit, Erjon Goxhara kishte me të plagosurin, pasi bashkëshortja e efektivit punonte në një institución me të.
Efektivi në Drejtorinë Vendore për Kufirin dhe Migracionin në Tiranë, akuzohet për kryerjen e veprave penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shperthyese dhe o municionit”.
Policia njofton se forcat RENEA vijojnë kërkimet për kapjen Goxharës ndërkohë që është vënë në dispozicion dhe një shpërblim prej 10 mijë euro për këdo që jep informacion për vendndodhjen e tij.
LEXONI GJITHASHTU:
- 72-vjeçari që u gjet në përrua në Memaliaj është vrarë, u qëllua me sëpatë e thikë
- VIDEO| Plagosja te Komuna e Parisit, efektivi i afrohet e qëllon dhe i bën foto
- RENEA në ndjekje të efektivit Erjon Goxhara, 10 mijë € për këdo që jep informacion
