Gazetari i Euronews Albania, Kosovë Gjoci ka mundur të xhirojë momentin kur një protestues serb bën gjeste ofenduese dhe gjuan me sende të forta drejt forcave të KFOR-it.
Situata u tensionua me ndërhyrjen e këtyre të fundit, që shpërndanë turmën në Zveçan ndërsa pati të shtëna me armë dhe shtëllungat e tymit mbuluan qiellin.
Deri tani nuk raportohet për të plagosur.
Trupat e misionit paqeruajtës të NATO-s në Kosovë, KFOR, kanë nisur të shpërndajnë protestuesit serbë që gjenden pranë ndërtesës së komunës së Zveçanit.
Që nga mëngjesi i 29 majit, grupe të serbëve kanë protestuar në Zveçan, Zubin Potok dhe Leposaviç. Trupat e KFOR-it po përdorin shok-bomba për të shpërndarë protestuesit, të cilët po hedhin sende të forta në drejtim të tyre.
LEXONI GJITHASHTU: