Vijojnë kërkimet në Siçili, në bordin e jahtit dhe “Bill Gates-i” i Britanisë

Kërkimet për 6 personat e humbur pas mbytjes së një jahti në brigjet e Sicilisë vazhdojnë. Ekipet e shpëtimit dhe palombarët janë kthyer në vendin ku mjeti lundrues u fundos.

Personat në fjalë dyshohet se kanë mbetur të bllokuar në trupin e anijes, e cila ka rënë në një thellësi prej 50 metrash nën nivelin e detit.

Palombarët nuk kanë arritur të hyjnë në kabinat e anijes pasi janë penguar nga mbetjet që kanë lëvizur si pasojë e stuhisë së dhunshme që përmbysi jahtin në orët e para të së hënës.

Mes pasagjerëve që ndodheshin në bord figurojnë miliarderi britanik i teknologjisë, Mike Lynch dhe Johnathan Bloomer, kryebankier i institutit të rëndësishëm financiar, “Morgan Stanley”.

Grumbullimi duket se ishte një festim për shfajësimin e Lynch në një proces gjyqësor për mashtrim financiar, mes të cilëve ishin edhe njerëz të afërt me biznesmenin.

Jahti luksoz ndodhej rreth gjysmë milje larg bregut, kur një stuhi u përplas rreth orës 4 të mëngjesit. Autoritetet deklarojnë se ka gjasa që mjeti të jetë përmbysur nga një tornado që ka kaluar sipër tij.

Nga ngjarja, një person humbi jetën dhe 15 të tjerë mbijetuan, përfshirë një nënë që u rikuperua me fëmijën 1-vjeçar në krahë.

LEXONI GJITHASHTU:

• Fundoset jahti në Siçili, gjendet një trup i pajetë, 6 të tjerë të zhdukur
• Indinjatë në Greqi, udhëtarët me jahtin luksoz i “vënë” flakën ishullit