Vijon lufta me zjarret në Gjirokastër, riaktivizimi i flakëve rrezikoi 50 banesa

Në Gjirokastër vazhdon lufta me zjarret ndërsa janë rrezikuar edhe banesa. Mesnatën e së martës strukturat e emergjencave, pushtetit vendor, ushtria dhe vullnetarët ndërhynë për lokalizimin dhe shuarjen e zjarrit në Parkun Natyror të Viroit.

Riaktivizimi i flakëve rrezikoi 50 banesa që ndodhen në afërsi të Parkut të Viroit.

Prej orës 04.00 të mëngjesit të së mërkurës operacioni për shuarjen e zjarreve është përqëndruar në zonën mbi qytetin e Gjirokastrës, si dhe në periferi të fshatrave Mashkullorë dhe Lazarat.

Riaktivizimi i zjarreve në kullotat e Malit të Gjerë rrezikon depërtimin e flakëve në afërsi të qendrave të banuara. Sipas Shërbimit Zjarrfikës deri tani situata është nën kontroll dhe nuk përbën rrezik për banesat.

LEXONI GJITHASHTU:

• Zjarr në fshatin Guras, era favorizon përhapjen e madhe të flakëve
• Vazhdojnë zjarret në Gjirokastër, flakët në Parkun e Viroit rrezikojnë banesat