‘Viktimizim për pushtet’, Gashi hedh dyshime për atentatin ndaj drejtuesve të LDK-së

Avokati Tomë Gashi ka hedhur dyshime në lidhje me lajmin që ka qarkulluar në mediat në Kosovë, se ka një plan për t’i kryer atentat kryetarit të Lidhjes Demokratike të Kosovës (LDK), Lumir Abdixhiku dhe disa deputetëve të kësaj partie.

Në një intervistë për Euronews Albania, Gashi u shpreh se deri më tani, kjo nuk është vërtetuar, por edhe nuk është mohuar.

Sipas tij, liderët politikë shqiptarë, vazhdimisht janë viktimizuar për pushtet.

“Ka pasur indicie për eventualisht, tentime të atentateve ndaj prijësve të LDK-së. Unë nuk po e përmend nëse ashtu apo jo. Deri më tani, janë çështje që as mund të vërtetohen, as të mohohen. Por është paksa e dhimbshme dhe e çuditshme që shqiptarët, kudo që janë në pushtet, dëshirojnë që të jenë të viktimizuar.

Lufta politike, mbajtja e pushtetit, mos humbja e pushtetit apo dëshira për pushtet, i shtyjnë shqiptarët në disa raste, që të krijojnë situata të tilla jashtëzakonisht të rënda, a thua se po duam ta vrasim njëri-tjetrin”, theksoi ai.

LEXONI GJITHASHTU

• Kush ia plotësoi dëshirën Beogradit për Gjykatën Speciale? Gashi hedh akuza të forta
• Ish-komandantët e UÇK-së në Hagë | Avokati: Gjyqi pritet të zgjasë 4 vite
• Gjyqi ndaj Thaçit dhe ish-krerëve të UÇK-së, Haga njofton mbajtjen e konferencës