Ushtronin veprimtarinë e paligjshme të vënies së basteve sportive, nëpërmjet celularëve, janë arrestuar ndërsa një tjetër po procedohet në gjendje të lirë.
Sipas njoftimit të policisë, 4 celularët që shërbenin për këtë veprimtari të paligjshme janë sekuestruar në cilësinë e provës materiale.
Materialet procedurale i kaluan Prokurorisë, për veprime të mëtejshme.
Njoftimi i policisë:
Specialistët e Sektorit për Hetimin e Krimeve Kibernetike, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, pas një pune të mirëfilltë hetimore, kanë finalizuar operacionin policor të koduar “Loja”.
Në kuadër të këtij operacioni u arrestuan shtetasit D. S., 48 vjeç, E. H., 46 vjeç dhe K. A., 38 vjeç, të tre banues në Tiranë. Gjithashtu, nisi procedimi në gjendje të lirë për shtetasin E. D., 20 vjeç, banues në Tiranë.
Gjatë kontrolleve të ushtruara në disa subjekte në Tiranë, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.
Gjatë operacionit u sekuestruan në cilësinë e provës materiale, 4 celularë që shërbenin për këtë veprimtari të paligjshme.
LEXONI GJITHASHTU:
- Amnistia penale u miratua/ Alibeaj: Kjo ishte goditje për drejtësinë e re
- Çfarë po ndodh me Butrintin? Ina Zhupa zbulon zhvillimet në Kushtetuese
