Vinte baste sportive përmes celularit, arrestohet 43-vjeçari në Vorë

Një 43-vjeçar nga Vora është arrestuar nga policia pasi ushtronte veprimtarinë e paligjshme të vënies së basteve sportive, nëpërmjet celularit.

Përmes një njoftimi për mediat policia tha se gjatë kontrolleve të ushtruara në një lokal në Vorë, u konstatua shtetasi M. M., 43 vjeç, banues në Vorë, në celularin e të cilit, shërbimet e Policisë gjetën faqe dhe linqe që shërbenin për vënien e basteve sportive.

Aparati celular që shërbente për këtë veprimtari u sekuestrua në cilësinë e provës materiale.

Në vijim të veprimeve u bë arrestimi në flagrancë i tij dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

LEXONI GJITHASHTU:

• Zbulohen 2 lokale ku viheshin baste sportive, arrestohet 1 pronar, tjetri në kërkim
• E kishin kthyer lokalin në qendër bastesh, arrestohen 2 persona në Fier