Virozat mbushin spialet, numër i lartë shtrimesh në të gjithë vendin

Virozat e stinës kanë bërë që të ketë një fluks të shtuar drejt qendrave shëndetësore dhe urgjencave në të gjithë vendin.

Gazetarja e Euronews Ortenca Budlla, bëri me dije se në urgjencën e QSUT-së në kryeqytet ka rreth 240 pacientë në ditë, të cilët kërkojnë ndihmë mjekësore.

Ky numër tepër i lartë vjen pasi qyetarët refuzojnë të shkojnë drejt qendrave shëndetësore, pasi mendojnë se në spital do të kenë një shërim më të shpejt.

“Në urgjencën e QSUT-së vijon të jetë një fluks i lartë i pacientëve, mesatarisht 240 pacientë që kërkojnë ndihmë mjekësore. Në pediatri ka dhe një numër më të lartë të fëmijëve që kërkojnë ndihmë mjekësore”, tha Budlla.

E rënduar shfaqet gjendja dhe në qytetin e Vlorës ku numri i vizitave në ditë në urgjencën e spitalit rajonal shkon në 100.

“Është një situatë e rënduar si në qenrat shëndetësore, ashtu edhe në pediatrinë dhe urgjencën e spitalit rajonal.

Sipas bluzave të bardha në qendrat shëndetësore ka nga 25-30 vizita në ditë prej të cilave 15 janë shtrime. Nga testimet e kryera nuk ka pasur raste me Covid. Për sa i përket pediatrisë janë rreth 60 vizita në ditë dhe 15 shtrime. Në urgjencë situata është edhe me e rënduar me 100 vizita në ditë prej të cilave 15 shtrime”, tha korrespondentja e Euronews, Ebrieta Macaj.

Ndërkohë që fluks të shtuar ka dhe në spitalin rajonal të Korçës ku numdi i vizitave në urgjencë shkon në 80.

“Në spitalin rajonal të Korçës janë më shumë se 80 vizita në ditë, kryesisht të moshuar”, tha korrespondenti i EuroNews Xhensil Shkëmbi.

Edhe në spitalin e Elbasanit ka një shtim të shtuar të vizitave, ku numri i pacienteve ka shkuar dhe në 170 në ditë.

LEXO GJITHASHTU: 

• Temperaturë dhe dhembje fyti, virozat e stinës mbushin spitalet
• 70% e Shangait e infektuar me COVID, kritike gjendja në spitale