Ish-anëtari i këshillit bashkiak të Tiranës, Fabian Topollaj thotë se është e nevojshme të hiqet dorë nga sistemi i kryetarokracisë, ku të gjitha pushtetet i ka në dorë kryetari i bashkisë.
Në emisionin Barometri në Euronews Albania, Topollaj u përplas me kreun e Këshillit Bashkiak të Tiranës, Aldrin Dalipi.
“Ne po fusim në të gjitha sistemet, atë të kyetarokracisë, edhe në pushtetin vendor, këshilli bashkiak nuk ka më asnjë pushtet. Kjo zgjidhet me mekanizma politikë, me votë”, tha Topollaj.
“Këshilli me votë ka ardhur”, u shpreh Dalipi.
“Aldrinit s’i bën përshtypje kjo e monopartiakes se vjen nga Partia e Punës”, u përgjigj Topollaj.
“Të të vijë turp nga kjo që thua, kjo është një injorancë politike, ti s’e ke idenë çfarë flet, fëmija jot në çfarë çerdhe shkon? Pse flet kot, ti nuk do jesh në këshillin e ardhshëm se ti nuk di të artikulosh interesat e qytetarëve, por politikë kot më kot”, ishte reagimi i Dalipit.
LEXONI GJITHASHTU:
- Dalipi: S’je në këshill, Topollaj: Aty s’më lënë të flas, shyqyr që jam në TV
- Ademi: E rëndë që të rinjtë nuk e dinë si votohet në zgjedhjet lokale
