Vjen reagimi i parë nga PD pas votimit në seancën plenare të Iranit si vend sponsor i terrorizmit
Kreu i Partisë Demokratike Sali Berisha ka reaguar këtë të martë pas votimit me 79 vota pro në seancën plenare të Kuvendit, me votat e mazhorancës lidhur me rezolutën për të shpallur Iranin vend sponsor të terrorizmit. Berisha në deklaratën e shpërndarë thotë se Partia Demokratike mbështet përpjekjet e SHBA-së dhe Izraelit për përmbysjen e diktaturës mizore teokratike të Ajatollahëve .
Deklaratë e Partisë Demokratike të Shqipërisë
Partia Demokratike e Shqipërisë shpall Gardën Revolucionare të regjimit diktatorial të Teheranit si organizatë terroriste. Ajo e cilëson shtetin obskurantist të Ajatollahëve si sponsorin kryesor të terrorizmit në botë dhe një kërcënim madhor për paqen dhe stabilitetin në Lindjen e Mesme dhe kudo në glob.
Partia Demokratike e Shqipërisë dënon me forcën më të madhe sulmet e Teheranit ndaj vendeve të Gjirit Persik, Arabisë Saudite, Emirateve të Bashkuara Arabe, Katarit, Kuvajtit, Bahrejnit dhe vendeve të tjera mike të Shqipërisë dhe ju shpreh ketyre vendeve solidaritetin e saj të plotë.
Partia Demokratike mbështet përpjekjet e SHBA-së dhe Izraelit për përmbysjen e diktaturës mizore teokratike të Ajatollahëve dhe zëvendësimin e këtij regjimi me një qeveri të zgjedhur nga populli si një kontribut madhor për çlirimin e popullit iranian, si dhe për garantimin e paqes dhe stabilitetit në rajon e më gjerë.
Kryetari i Kuvendit reagon pas protestës: Dhuna ndaj policisë dhe deputetëve është e papranueshme
Rama: Mos zbrisni te komentet! Kohë e ngarkuar, algoritmi në fazë histerie
Balla për protestën: Nuk na ndalin një grup mbeturinash sociale dhe politike!
- 17:06 Lumasi me prodhim të bollshëm pjeshke, fermerët ankohen për çmimin e ulët të shitjes
- 17:03 Drejtori i Policisë Hitaj viziton sërish efektivët e lënduar pas protestës para Parlamentit
- 16:59 Gjirokastra shënon shtigjet malore, më shumë siguri dhe orientim për turistët
- 16:58 Digjet një mjet në aksin Kuç-Qeparo, zjarrfikësit në vendngjarje (VIDEO)
- 16:54 Prokurorët gjermanë akuzojnë Kievin se urdhëroi sulmin në Nord Stream në vitin 2022
- 16:45 Studimi japonez: Ushqyerja me gji ndihmon foshnjat të flenë më gjatë