Vjosa Osmani: Kurrë më s’do të ketë policë dhe ushtarë serbë në Kosovë

Presidentja e Kosovës, Vjosa Osmani deklaroi se në vend nuk do të ketë më kurrë policë dhe ushtarë serbë.

Përmes një postimi në rrjetet sociale, Osmani u shpreh se kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste

“Kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste. Kjo duhet të refuzohet e kundërshtohet qartë nga e gjithë bota demokratike, e cila i dha goditjen më të fuqishme kësaj mendësie pikërisht në vitin 1999. Plagosja e mbrëmshme e një pjesëtari të Policisë së Kosovës është veprim kriminal dhe i orientuar kundër rendit kushtetues e sovranitetit të Kosovës si dhe  kundër veprimeve për sundim të rendit e ligjit.

Gjithashtu, sulmet ndaj gazetarëve përbëjnë cenim flagrant të të drejtës për informim të lirë. Autorët e këtyre krimeve, urgjentisht të sillen para drejtësisë, ndërkaq institucionet e drejtësisë duhet të veprojnë menjëherë. Në territorin e Republikës së Kosovës kurrë më nuk do të ketë policë dhe ushtarë të Serbisë! Ëndrra hegjemoniste e Serbisë nuk do të jetësohet kurrë!”, shkroi Osmani në Facebook.

LEXONI GJITHASHTU

• ‘Situatë alarmante’, Milaim Zeka: Të shtyhen zgjedhjet në veri
• 1000 trupa serbe në Kosovë? Zeka: Serbia sheh ëndrra ballkanike
• Bërnabiç: Do kërkojmë gjithçka për Kosovën në përputhje me Rezolutën 1244