‘Situatë alarmante’, Milaim Zeka: Të shtyhen zgjedhjet në veri

Analisti Milaim Zeka thotë se situata në veri të Kosovës është alarmante dhe sipas tij, zgjedhjet në katër komunat me shumicë serbe duhet të shtyhen.

Në një intervistë për Euronews Albania, Zeka u shpreh se kryeministri i Kosovës, Albin Kurti dhe presidentja Vjosa Osmani nuk duhet të dalin kundër SHBA-ve.

“Situata është shumë alarmante atje, por jo për luftë, jo në shkallën e nisjes së një lufte. Atje Vuçiçi po bën pazare dhe po ushtron presion ndaj SHBA-ve dhe BE. Ajo që është shqetësuese, kryeministri i Kosovës dhe presidentja janë duke luajtur të njëjtën valle të Vuçiçit, me budallallëqet e tyre.

Ne mbështesim në mënyrë absolute dërgimin e forcave speciale dhe të policisë sonë në vendin tonë, në veriun tonë, jo ashtu siç thotë Petkoviçi se gjoja se kemi pushtuar veriun, ai është territor i Republikës së Kosovës. Por presidentja dhe kryeministri duhet urgjentisht të shtyjnë zgjedhjet lokale në veriun e Kosovës, sepse kjo shtyrje do të ndodhë. Nuk ka nevojë këta dy njerëz që të provokojnë ambasadorin amerikan. Sot doli edhe ambasadori gjerman në mbështetje të kësaj”, theksoi ajo.

LEXONI GJITHASHTU

• 1000 trupa serbe në Kosovë? Zeka: Serbia sheh ëndrra ballkanike
• Bërnabiç: Do kërkojmë gjithçka për Kosovën në përputhje me Rezolutën 1244
• Reagon Kurti: Policia e Kosovës nuk është e orientuar kundër serbëve