Vjosa Osmani takon komandantin e KFOR-it, bisedojnë për situatën e sigurisë

Presidentja e Kosovës, Vjosa Osmani ka pritur në takim komandantin e KFOR-it, Angelo Michele Ristuccia.

Kështu ka njoftuar Zyra e Presidencës, ku bëhet me dije se në këtë takim u bisedua për situatën e sigurisë.

“Presidentja Vjosa Osmani ka pritur sot në takim komandantin e KFOR-it, gjeneralmajor Angelo Michele Ristuccia, më të cilin bisedoi për zhvillimet e fundit dhe sigurinë në vend.”, thuhet në njoftim.

Misioni i NATO-s në Kosovë, KFOR, po kryen stërvitje ushtarake afër bazës që ka në Novosellë.

Stërvitjet synojnë të trajnojnë njësitet e KFOR-it, për të garantuar lirinë e lëvizjes në kohë krizash dhe ‘konsistojnë në një seri simulimesh taktike, duke përfshirë pajisje të rënda dhe helikopterë”.

Njoftimi për këto stërvitje vjen në kohën kur autoritetet e Kosovës bëjnë thirrje për heqjen e barrikadave të ngritura nga serbët lokalë në veri të Kosovës.

KFOR-i ka bërë të ditur më 16 dhjetor se e ka shtuar numrin e ekipeve patrulluese në veri.

LEXONI GJITHASHTU

• Osmani: Marrëveshja finale duhet të ketë në qendër njohjen reciproke
• Osmani publikon një faqe të dokumentit me të cilin aplikoi Kosova në BE
• Aplikimi për anëtarësimin në BE, Osmani: Sot është ditë historike për Kosovën