“Vlora e Gjirokastra janë të lidhura”- Beleshi: Kandidati i PS që ka vota personale

Gazetarja Fjorela Beleshi është shprehur se qarqet e Vlorës e Gjirokastrës janë të lidhura bashkë në zgjedhjet e vitit 2025, për shkak të njerëzve që do të punojnë për drejtuesit politikë të qarqeve të dy partive kryesore, PS e PD.

Në emisionin ‘Review’ në Euronews Albania, Beleshi tha se kryebashkiaku i Himarës, Vangjel Tavo, i cili do të punojë për PS në zgjedhje, ka vota personale në Gjirokastër, por do të grumbullojë vota edhe në Himarë, e cila është pjesë e qarkut të Vlorës.

Ajo shtoi gjithashtu se PS kërkon nga një mandat më shumë se në zgjedhjet e vitit 2021 në Vlorë dhe në Gjirokastër.

“Vlora e Gjirokastra të lidhura bashkë, për shkak të njerëzve që do punojnë për këta emra, sidomos për PS përsa i përket Vlorës e Gjirokastrës. Në Gjirokastër Vangjel Tavo ka vota personale. Por gjithashtu do punojë në Himarë për PS. PS kërkon një mandat më shumë në Vlorë e Gjirokastër se në vitin 2021”, tha Beleshi.

LEXONI GJITHASHTU:

• Emrat| Asambleja e PS zgjedh anëtarët e Kryesisë dhe Sekretariatin, Klosi jep detaje
• Asambleja e PS, Bardhi: Asnjë reflektim, lajmi i vetëm është shkrirja e partisë