Vlorë| Porti detar: Ndalohet lundrimi i anijeve, regjistrohen dallgë deri në 2 metra

Moti i keq ka krijuar probleme në Vlorë, duke sjellë situatën deri në ndalimin e lundrimit për anijet e peshkimit dhe mjetet e vogla. Porti njofton se janë regjistruar dallgë deri në 2 metra.

Nga ana tjetër, sa i përket anijeve të transportit ndërkombëtar detar, do të operojnë normalisht.

Njoftimi për kushtet hidrometeorologjike:

Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës, gjatë datës 07.01.2025 duke filluar nga ora 08:00 datë 07.01.2025 kushtet hidrometeorologjike do të jenë në drejtimin Jug-Jug-Lindje në forcën deri 6-7bft me shpejtësi ere deri 15-20m/s dhe lartësi dallge nga 1.50 deri 2.00 metra.

Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port  dhe rritje e gatishmërisë së ekuipazhit në mjetet lundruese.

1.Është ndaluar paisja me leje-nisje i mjeteve te vogla lundruese dhe ato te peshkimit të cilat operojnë në det të hapur duke filluar nga ora 08:00 datë 07.01.2024.

2.Të gjithë drejtuesit e mjeteve të vogla lundruese dhe anijeve të peshkimit që operojnë brenda dhe jashtë gjirit të Vlorës të marrin në konsideratë kushtet hidrometeorologjike dhe marjen e masave për sigurimin e tyre.

3.Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse.

4.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 10:00 të datës 08.01.2025.

LEXONI GJITHASHTU:

• Fluks në portin e Vlorës, 2000 pasagjerë shqiptarë e të huaj largohen nga Shqipëria
• Kushtet e motit shkaktojnë vonesa, pezullohet lundrimi drejt Italisë