Vlorë/ U vetëplagos me armë zjarri, 35-vjeçari dërgohet për mjekim te Trauma

Rreth orës 04:10 të mëngjesit, në lagjen “Pavarësia” të qytetit, një ngjarje e rëndë ka ndodhur në apartamentin ku jetonte shtetasi Arnaldo Matodashaj, 35 vjeç. Dyshohet se 35-vjeçari është vetëplagosur me armë zjarri pistoletë.

Pas ndihmës së parë mjekësore, Matodashaj është transportuar për ndihmë të specializuar në Spitalin e Traumës, ku ndodhet jashtë rrezikut për jetën.

Në vendin e ngjarjes, është sekuestruar arma e zjarrit, një pistoletë tip Glock, që dyshohet se ka shërbyer për plagosjen e tij. Sipas policisë thuhet se Matodashaj është vetëplagosur në banesë. Pistoleta është shkrepur dhe ai ka marrë një plagë në kokë, e cila është e rëndë dhe rrezikon jetën.

Ky i ri është një figurë e njohur për policinë e Vlorës, pasi në korrik të vitit 2023 është arrestuar së bashku me një shok të tij për mbajtje dhe lëvizje të armëve pa leje.

Njoftimi i policisë:

Rreth orës 04:10, në lagjen “Pavarësia”, në apartamentin ku jetonte, dyshohet se është vetëplagosur me armë zjarri pistoletë, shtetasi A. M., 35 vjeç. Pas ndihmës së parë mjekësore, 35-vjeçari është transportuar për ndihmë të specializuar në Spitalin e Traumës.

Në cilësinë e provës materiale, u bë sekuestrimi i armës së zjarrit, pistoletë tip Glock, e cila u gjet në vendin e ngjarjes.

Grupi hetimor, nën drejtimin e Prokurorisë, vijon veprimet për zbardhjen dhe dokumentimin e plotë të kësaj ngjarjeje.

LEXONI GJITHASHTU:

• Konflikti Izrael-Iran hyn në ditën e katërt, 5 Konflikti gjatë sulmeve të natës
• Rrëzohet nga “Jet Ski” te Shkëmbi i Kavajës, plagoset rëndë turist belg