Vlorë/Vijon aksioni i lirimit të hapësirave publike, mjete të hequra e mbi 100 gjoba

Policia e Vlorës ka vijuar aksionin për lirimin e hapësirave publike të zëna nga automjetet e parkuara në mënyrë të paligjshme në rrugë, trotuare dhe zona të tjera publike.

Gjatë ditës së sotme, janë tërhequr me karrotrec dhjetëra automjete që kishin parkuar gabimisht, duke bllokuar hapësira të caktuara për kalimin e këmbësorëve dhe rritur kaosin në rrugë.

Gjithashtu, janë vendosur mbi 100 gjoba për shkelësit e rregullave të parkimit në të gjithë qytetin. Ky aksion është pjesë e një fushate të vazhdueshme të Policisë së Vlorës për të rikthyer rendin dhe funksionalitetin e hapësirave publike dhe për të përmirësuar qarkullimin rrugor, veçanërisht në sezonin turistik ku trafiku është i ngarkuar.

Policia apelon për ndërgjegjësim dhe bashkëpunim nga qytetarët, duke theksuar se kontrolloret do të vijojnë të jenë të pranishëm në terren dhe kontrollet për parkimin e gabuar do të jenë me intensitet të lartë në ditët në vijim.

LEXONI GJITHASHTU:

• Kishte kthyer hapësirën publike në vendparkim, procedohet 39-vjeçari
• Ndryshime në Policinë e Shtetit/ Emërohen drejtorët e rinj në Korçë dhe Elbasan