Von der Leyen në Shkup: RMV ka mundësinë historike për të hapur negociatat

Presidentja e Komisionit Evropian, Ursula Von der Leyen ka mbajtur fjalën e saj në Kuvendin e Maqedonisë së Veriut, para votimit të propozimit francez nga deputetët maqedonas.

Von der Leyen u shpreh se me votimin e këtij propozimi, Bashkimi Evropian do të hapë negociatat me Maqedoninë e Veriut javën e ardhshme.

“Tani të gjithë duhet ta kthejmë shikimin përpara, duhet ta kapim mundësinë që kemi përpara. Të nisim negociatat e anëtarësimit dhe të punojmë së bashku në rrugën që ju çon në Bashkimin Evropian. Këtë mund ta bëjmë që javën e ardhshme, duke ndërmarrë hapin e parë me propozimin francez.

Ju të gjithë jeni të vetëdijshëm për këtë propozim. Ai mbron interesat tuaja dhe adreson shqetësimet e të gjitha palëve. Ne jemi të bindur se kjo është e një rëndësie historike. Vendimi është i juaji, ka të bëjë me rrugën tuaj europiane”, u shpreh Von der Leyen.

LEXONI GJITHASHTU

• Von der Leyen: RMV duhet të ndërmarrë tani hapin vendimtar për të ecur përpara
• ‘Vizita e saj vjen në kohën e duhur’, Osmani takon Von der Leyen
• Propozimi francez, Kovaçevski-deputetëve: Veproni si përfaqësues të popullit