Voskopoja si destinacion turistik, mbetet zona më e frekuentuar për festa

Edhe në ditët e para të këtij viti Voskopoja ka pasur shumë turistë të ardhur nga qytete të ndryshme të vendit.

Një pjesë e mirë e tyre kanë kaluar natën e vitit të ri në krahinën e njohur, ndërkohë që kanë vendosur të qëndrojnë edhe në ditët e para të vitit.

Ashtu siç ka pasur të tjerë që kanë festuar në Korçë natën e ndërrimit të viteve dhe ditët e para kanë vendosur të qëndrojnë në fshatin turistik.

Një prej operatorëve turistik pohon se këtë vit Voskopoja ka pritur turistë nga të gjitha qytetet e vendit.

Voskopoja edhe këtë vit ka qenë e kërkuar nga turistët që nga data 23 dhjetor e deri në ditët e para të këtij viti, madje rezervimet për festat e fundvitit janë kryer që në muajt e parë të vitit të kaluar. Voskopoja ka më shumë se 800 vende akomodimi në hoteleri, bujtina dhe shtëpi pritëse.

LEXONI GJITHASHTU:

• Voskopoja, fshati unik i 24 kishave, turistët të mahnitur nga ikonat
• Të premten pritet të zbardhet nga dëbora Dardha dhe Voskopoja