Kryetari i Komisionit Qendror të Zgjedhjeve Ilirjan Celibashi ishte këtë të mërkurë i ftuar në “Barometri” në Euroneës Albania ku tregoi se si do të sigurohet fshehtësia dhe transparenca e vootës së diasporës.

Celibashi tha se KQZ do të përpiqet që procesi i votimi të mos cedojë garancia dhe siguria e procesit të votimit, e fshehtësisë së votës dhe e transparencës së këtij procesi. Ai tha se sa i takon shërbimit postar, për këtë do bëhet një konkurrim dhe sa më shpejt kjo gjë të bëhet aq më i lehtë do bëhet procesi.

“Edhe vendet me demokraci të konsoliduar prej dekadash, kanë pasur problem. Ajo që mbetet e rëndësishme në këtë proces e ku ne nuk duhet të cedojmë është garancia dhe siguria e procesit të sigurimit dhe identifikimit të votuesve nga jashtë, ne nuk do duhet të kemi asnjëlloj problemi dhe e dyta, garancia dhe siguria e procesit të votimit, e fshehtësisë së votës dhe e transparencës së këtij procesi.

Natyrisht në këtë tentativë të parë ne nuk mund të akomodojmë dot të gjitha kategoritë e votuesve nga jashtë, por ama në një lloj mënyre ne duhet ta krijojmë këtë oportunitet. Nga takimi që bëm me operatorët e shërbimit postar, të cilët kanë eksperiencën e vendeve të tjera, ne akoma nuk e kemi vendosur, pasi për këtë porces do ketë një konkurrim, por sa më shpejtë ne të vendosim për problematikat që ne sot i kemi identifikuar teknike, aq më i lehtë bëhet procesi. ”,-tha Celibashi.

LEXONI GJITHASHTU:

• Si do votojnë emigrantët?! Celibashi shpjegon si do funksionojë platforma online
• Presidenti Biden bisedon me Netanyahun, Izraeli vazhdon sulmet në Gazë dhe Liban