Vota e diasporës nga Greqia/ Celibashi: Të hapet dhe të vijojë numërimi

Kryetari i Komisionit Qendror Zgjedhor, Ilirjan Celibashi doli këtë të premte në një deklaratë lidhur me votën e diasporës të ardhura nga Greqia.

“Asnjë kuti nuk është vlerësuar e parregullt”, tha Celibashi ndërkohë që vendimi i KQZ-së ishte që të hapeshin e të numëroheshin e më pas të vlerësoheshin votat e emigrantëve.

“Ndaj për këtë arsye, komisioni shtetëror i zgjedhjeve vendos vazhdimin dhe përfundimin e numërimit dhe të vlerësimit të çdo dokumentacioni zgjedhor të votuesve nga jashtë të ardhur në KQZ, si dhe tabelimin e rezultateve përkatëse për subjektet zgjedhore, kandidatët që i janë nënshtruar votimit për çdo qark.

Ky numërim përfshin gjithashtu edhe zarfet që nuk janë shqyrtuar dhe janë administruar sipas vendimit të Komisionit Shtetëror të Zgjedhjeve. Ky vendim hyn në fuqi menjëherë”,-tha Celibashi.

Me vendim të KZAZ-ve të diasporës, numërimi për votat e Greqisë do të nis nesër në orën 08.00.

LEXONI GJITHASHTU:

• Humbja e zgjedhjeve, deputeti i PD: Ky është fundi i karrierës time në parlament
• “Duam paqe”, Von der Leyen: Ka ardhur koha të angazhohemi seriozisht