Vota e diasporës|Emigranti: Pjesërisht e realizuar, duam përfaqësues në zgjedhje

Përfaqësuesi i nismës “Dua të Votoj”, Arbër Lleshi ka komentuar në Euronews Now me Erla Mëhillin dakordësinë e partive për votën e diasporës, të cilën e ka konceptuar si pjesërisht të realizuar.

Kjo sepse, sipas tij duhet që në diskursin politik të flitet më tepër për sigurinë e të dhënave personale të personave që do të votojnë nga jashtë apo edhe për të pasur mundësinë që diaspora të ketë përfaqësuesit e vetë në zgjedhjet e ardhshme..

“Çështja e dakordësisë fatkeqësisht është e tillë që zbaton pjesërisht pritshëmritë tona për kodin zgjedhor. Shpresojmë që kjo dakordësi të përkthehet në vota. Më vjen keq që në diskursin publik flitet për lidershipin e partisë, por harrojnë interesin e votuesve. Problemi është që gjysma e shqiptarëve janë jashtë dhe nuk janë të përfaqësuar.” -tha ai.

Lleshi solli në vëmendje parimin kushtetues të mundësisë që ka çdo shqiptar për të zgjedhur e për tu zgjedhur, duke bërë thirrje që edhe diaspora të ketë mundësinë që të ketë përfaqësuesit e vetë në poltikën shqiptare.

LEXONI GJITHASHTU:

• “Jemi drejt 1 tjetër kasaphane”, gazetari: PD të refuzojë asgjësimin e koalicioneve
• Ish-kreu i KQZ|Lufta zgjedhore bëhet nëse hapet lista, ose ua fal mandatin kryetari