Vota për kryetar me e rëndësishme se për këshill, Biba: Janë mbeturina totalitariste

Ish-kryetari i KQZ Denar Biba tha në emisionin Barometri në Euronews Albania se të dhënat që tregojnë se vota për kryetarin e bashkisë shihet më e rëndësishme nga qytetarët se sa ajo për këshillin bashkiak janë alarmante.

Sipas tij, këto sondazhet tregojnë disa mbeturina totalistariste të votuesit shqiptare që shkojë pas 1-shit, ndërkohë që demokracia e vërtetë është këshilli.

“Edhe në vende të tjera vota për kryetar ka më shumë interes se sa ajo për këshill, po në asnjë rast nuk është në përqindje të këtij karakteri. Nëse nuk gaboj përqindja për këshill është me e lartë se 16 për qind. Kjo tregon disa mbeturina totalitariste të zgjedhësit që shkon pas 1-shit.  Votën për këshill është i gatshëm ta ndryshojnë, në lidhje me 1-shin nuk ndryshon. Demokracia është te këshilli, ndërkohë që ne jemi të përqendruar te bosi, të kryetari”, tha Biba.

LEXONI GJITHASHTU:

• Mavros: 4 faktorët që ndikuan në rënien e rëndësisë së zgjedhjeve tek qytetarët
• A do të marrin pjesë në zgjedhjet lokale? Përgjigjen qytetarët