Vota preferenciale, 10 kandidatët më të votuar të PD deri tani në Tiranë

Kur janë numëruar rreth 200 qendra votimi në Tiranë për leximin e votës preferenciale, kandidati më i preferuar në listën e Partisë Demokratike rezulton kreu i saj, Lulzim Basha me 2 582 vota.

Në vend të dytë është Kreu i Forumit Rinor të PD-së, Belind Këlliçi, i cili ka marrë deri tani 2 153 vota.

I treti më i votuar është Agron Shehaj, i cili numëron deri tani 2 046 vota. Më pas vjen Grida Duma me 1840 vota.

Të katër këta kandidatë janë të renditur në pjesën e vendeve të sigurta pasi gjenden mbi 15 të parët, aq sa është dhe numri i mandateve që PD ka siguruar në Qarkun e Tiranës.

Në listën e 10 kandidatëve më të votuar deri tani bëjnë pjesë dhe disa nga aleatët e koalicionit të PD, si kreu i PDIU Shpëtim Idrizi, kreu i PR Fatmir Mediu dhe kreu i LZHK, Dashamir Shehi.

Kandidatët më të votuar (Numëruar 197 / 1243 QV total):

• Lulzim Basha 2582
• Belin Këlliçi 2513
• Agron Shehaj 2046
• Grida Duma 1840
• Shpëtim Idrizi 1392
• Flamur Noka 1202
• Fatmir Mediu 1055
• Sali Berisha 1037
• Dashamir Shehi 957
• Jorida Tabaku 931