Votat preferenciale, kandidatët që morën më shumë vota në Kukës

Partia Demokratike, ashtu si në zgjedhjet 2017, ka arritur t’i fitojë sërish zgjedhjet në Qarkun Kukës. Këtë herë diferenca ishte më e thellë në favor të demokratëve pasi morën 62% të votave, ndërsa Partia Socialiste mbeti me 35%.

Ndarja e mandateve ishte dy për PD (Flamur Hoxha dhe Isuf Çelaj) dhe një për PS (Gerta Duraku). Sa i takon votave preferenciale, Flamur Hoxha i PD ka marrë 9 159 vota, ndërsa kandidati tjetër i PD që siguroi mandatin, Isuf Çelaj rezulton me 5 257 vota. Kandidatja e tretë në listën e PD që nuk ka marrë mandat, Shyrete Koka rezulton me 3 622 vota.

Nga ana tjetër, Greta Duraku nga PS që do të jetë deputete në Parlamentin e ri, ka marrë 5 368 vota preferenciale. I dyti në listë, Petrit Malaj ka 3 666 vota dhe i treti Halim Dauti me 2 059 vota.

Në qarkun e Kukësit vihet se shumica dërrmuese e votave kanë shkuar për koalicionin e PD dhe PS (98.11%), pasi koalicione dhe partitë e tjera që garuan në zgjedhje kanë marrë më pak se 2% të votave. Kjo vjen edhe nga fakti se LSI nuk bëri fushatë në këtë qark duke mbështetur kandidatët e PD.

Partia Demokratike – Aleanca për Ndryshim:

• Flamur Hoxha 9159
• Isuf çelaj 5257
• Shyrete Koka 3622

Partia Socialiste e Shqipërisë:

• Gerta Duraku 5368
• Petrit Malaj 3666
• Halim Dauti 2059