Votimi elektronik, ‘’Smartmatic’’ merr përsipër projektin pilot në Tiranë

Pilotimi i votimit elektronik në njësinë numër 10 në Tiranë do të merret përsipër nga kompania “Smartmatic”, e cila gjithashtu është përzgjedhur si kompania që do të kryejë procesin e identifikimit elektronik në të gjithë vendin.

Në Agjencinë e Prokurimeve Publike është botuar buletini i posaçëm, ku kompania “Smartmatic” konsiderohet si oferta më e përshtatshme.

Afati i kontratës është dy muaj për projektin pilot dhe do të implementohet në 32 qendrat e votimit të njësisë numër 10 në kryeqytet.

Kostoja totale e numërimit elektronik dhe pilotimit të votimit elektronik shkon rreth 35 milionë euro.

Ndërkohë ditën e djeshme dy partitë, PD dhe PS kanë nisur fushatën zgjedhore.

Kryeministri Edi Rama kërkoi një mandat të tretë, ndërsa Basha u shpreh se ndryshimi po vjen.

Ky i fundit u zotua se do të çojë Shqipërinë në Bashkimin Europian.

Lexoni gjithashtu:

PD kërkon rotacionin, Basha: Ndryshimi po vjen, do ta çoj Shqipërinë në BE

PS kërkon mandatin e tretë, Rama sulmon Bashën për mënyrën e nisjes së fushatës