Votimi për Kosovën në Asamblenë e KiE, Hasani: Hap vendimtar drejt stabilitetit

Ministri i Jashtëm i Shqipërisë, Igli Hasani, ka përshëndetur votimin në Asamblesë Parlamentare të Këshillit të Europës, për anëtarësimin e Kosovës në KiE.

Përmes një postimi në rrjetin social “X” Hasani shprehet se ky votim është një njohje e progresit dhe potencialit të Kosovës.

Ai tha gjithashtu se ky është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës.

Ministri Igli Hasani në platformën X:

Një tjetër moment historik për Kosovën ✅👏

Rekomandimi i Asamblesë Parlamentare të Këshillit të Evropës për anëtarësimin e Kosovës është një njohje e progresit dhe potencialit të saj.

Është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës.

Është një dëshmi e përkushtimit të Kosovës ndaj vlerave evropiane.

Hapi tjetër: Komiteti i Ministrave

LEXONI GJITHASHTU:

• Albin Kurti reagon pas vendimit të Asamblesë: Një ditë e madhe për Kosovën
• Asambleja votoi pro anëtarësimit të Kosovës në KiE, Osmani: Edhe një hap!