Kandidati i kolaicionit “Bashkë fitojmë” për Bashkinë e Tiranës Belind Këlliçi është shfaqur për të ushtruar të drejtën e votës në Shkollën “Dora d’Istria”.

Belind Këlliçi ka lënë mandatin e tij të deputetit për të garuar për bashkinë e Tiranës. Kandidati i koalicionit “Bashkë fitojmë” pas  votimit bëri një ftesë për të gjithë votuesit e Tiranës, duke thënë se kjo ëhstë dita e ndryshimit.

“Sapo kreva detyrën time si qytetar. Ftoj të gjithë qytetarët e Tiranës të kryejnë detyrën e tyre për të votuar. Ftoj të gjithë të rinjtë, sot është dita e madhe, sot është 14 maji që kemi pritur aq shumë që të gjithë. Kam një apel për të gjithë të rinjtë, për naçot e Tiranës, për vajzat apo djemtë e rinj,. për ata që duan të ikin me kamion, i them jo. Hajdeni të votoni, mos harroni askush nuk ju kontrollon dot votën.

Ftoj qytetarët të shkojnë në dhomat e votimit, të votojnë me ndërgjegje të pastër. Të votojnë për të ardhmen e tyre! dilni votoni masivisht, sot është një ditë feste! për të gjithë ata që më kanë thënë kur do vijë ndryshimi, sot është dita. 14 maji është dita e ndryshimit”,-tha Belind Këlliçi.

Nga 6 Qendra votimi në shkollën “Dora D’istria “ në kryeqytet, në dy prej tyre nuk ka nisur votimi, qv 1985. Në këte qendër është ngatërruar pajisja PEI me një qendër tjetër votimi.

Ndërsa ne qendrën tjetër qv 1980, nuk është paraqitur operatori i PEI.

LEXONI GJITHASHTU:

• Policia e shtetit: Asnjë problem me qendrat e votimit dhe materialet zgjedhore
• Nis votimi në Shijak, komisionerët e “Bashkë fitojmë” nuk shfaqen në dy qendra