Voton Përparim Rama: Uroj që sot të fitojë kryeqyteti

Kandidati për kryetar të Prishtinës nga radhët e LDK-së, Përparim Rama, ka votuar në Fakultetin Ekonomik.

Në një prononcim për mediat ai uroi fitoren e kombëtares shqiptare kundër Serbisë në futboll dhe deklaroi se Prishtina duhet të vendos për të më të mirën e qytetarëve.

“Urime për fitoren e Shqipërisë dje, një fitore historike, monumentale. Uroj që edhe sot te fitojë kryeqyteti, te fitojë zhvillimi i vendit tonë, të fitojë bashkëpunimi i ndërsjellë nga të gjithë, një unifikim, një zgjidhje e përbashkët për të ardhmen tonë, për të ardhmen e fëmijëve tanë”, tha Rama.

Në kryeqytet të drejtë vote kanë mbi 224 mijë qytetarë, brenda dhe jashtë vendit.

Qytetarët e Republikës së Kosovës ushtrojnë sot të drejtën kushtetuese të votës. Këto janë zgjedhjet e rregullta lokale, të cilat mbahen në 38 komuna të Kosovës.

LEXONI GJITHASHTU:

• KQZ përditëson të dhënat, sa qytetarë të Kosovës kanë votuar deri në orën 11:00
• Vuçeviç u bën thirrje serbëve në Kosovë të dalin në zgjedhje