KQZ përditëson të dhënat, sa qytetarë të Kosovës kanë votuar deri në orën 11:00

Komisioni Qendror i Zgjedhjeve në Kosovë ka përditësuar të dhënat mbi pjesëmarrjen në votime në zgjedhjet që po mbahen në 38 komuna për kryetarë komunash.

Deri në ora 11:00, 7.84 për qind e qytetarëve me të drejtë vote kanë votuar nëpër komunat përkatëse.

“Mbështetur në të dhënat preliminare që kemi marrë nga rreth 94% e Vendvotimeve numri i qytetarëve me të drejtë vote që kanë votuar deri në orën 11:00 është 158 mijë e 691 votues apo 7.84%, nga 2 milionë e 25 mijë e 105 votues.

Deri në të njëjtën kohë, në Zgjedhjet Lokale të vitit 2021, kishin votuar 152 mijë votues apo 8.2% e votuesve nga 1 milionë 885 mijë e 448 votues”, bëri me dije KQZ.

Me përqindje prijnë Mamusha, Zveçani e Ranillugu.

LEXONI GJITHASHTU:

• Prokuroria e Shtetit angazhon 100 prokurorë për mbarëvajtjen e zgjedhjeve në Kosovë
• Masa ekstreme në Serbi, policia ndalon hyrje-daljet në hotelin e Kombëtares