Voton presidentja Osmani: Kosova ka demokracinë më të fortë elektorale në rajon

Presidentja e Kosovës, Vjosa Osmani, e shoqëruar nga bashkëshorti i saj Prindon Sadriu ka votuar në Fakultetin Teknik në Prishtinë. Osmani pas votimit ka folur para mediave ku ka theksuar rëndësinë pjesëmarrjes së qytetarëve në procesin e votimit.

“Dita e sotme është po aq e rëndësishme sa raundi i parë. Qytetarët jo vetëm vendosin se kush do t’i udhëheqë për një të ardhme më të mirë për fëmijët tanë dhe për komunat ku ata jetojnë. Rrjedhimisht, shpresoj që secili nga qytetarët me të drejtë vote do ta shfrytëzojë këtë të drejtë dhe do të dalë sot në votime”, deklaroi Osmani.

Presidentja thekoi se Kosova ka demokracinë më të fortë elektorale në rajon. Sipas saj kjo është për shkak të pjesëmarrjes së qytetarëve në votime, për shkak të rregullsisë së proceseve zgjedhore dhe sepse gjithnjë organizojmë zgjedhje të lira e demokratike.

LEXONI GJITHASHTU:

• LDK: Sveçla fotografoi aktivistin tonë pa pëlqimin e tij, shenjë e panikut
• Vlonjatët “bojkotojnë” zgjedhjet, Lungomare e tejmbushur me qytetarë