Durrës/ Vrasja e 50-vjeçarit, në pranga 3 fëmijët e përfshirë në krim, në hetim nëna

Skënder Hita, drejtor i policisë së Durrësit tha në një deklaratë për mediat ka dhënë detaje nga krimi i rëndë që ka ndodhur në Durrës, ku Pëllumb Meta 50-vjeç është gjetur i vrarë dhe i varrosur pranë shtëpisë së tij.

Policia bën me dije se të përfshirë në krim dyshohet se janë e gjithë familja. Konkretisht në pranga kanë rënë tre fëmijët, djali i madh Hysen Meta, motra e tij Hygerta Meta 19-vjeç si bashkëpunëtore për vrasjen e të atit.

Gjithashtu në pranga ka rënë dhe vëllai tjetër, Amarildo Meta që sipas policisë i ka ndihmuar ata në fshehjen e kufomës.

Ndërsa po hetohet në gjendje të lirë bashkëshortja e viktimës Blerta Meta.

“Kemi gjetur provat dhe kemi arrestuar pjesëtarët e familjes dhe kemi arrestuar Hysen Meta, shtetasen H.M, 19-vjeçe që kanë qenë bashkëpunëtor të rëndë. Është arrestuar dhe djali tjetër i viktimës Amarildo Meta, 22-vjeç që ka ndihmuar vëllanë dhe motrën për fshehjen e kufomës. Hetohet në gjendje të lirë dhe bashkëshortja e viktimës Blerta”-tha ai.

LEXONI GJITHASHTU:

• Beton në pistën e Bahrei, Komisaret e FIA’s marrin vendim drastik në Sakhir
• Zgjerohet protesta e fermerëve/ Çekët bashkohen me kolegët evropianë