Vrasja e Darya Dugina, Lavrov: S’ka mëshirë për përgjegjësit

Ministri i Jashtëm i Rusisë, Sergei Lavrov u shpreh nuk do të ketë mëshirë për përgjegjësit e vrasjes së Darya Dugina.

Një ceremoni emocionale lamtumire është mbajtur në Moskë për Daria Dugina, vajza e nacionalistit Alexander Dugin. Ajo humbi jetën pak ditë më parë si pasojë e një bombe, për të cilën Rusia akuzon Ukrainën.

Gazetarja 29-vjeçare ishte kthyer në “martire” të nacionalistëve rusë, që tani kërkojnë hakmarrje ndaj fqinjit të tyre.

Shërbimi rus i sigurisë FSB ka akuzuar agjencitë e inteligjencës ukrainase për organizimin e vrasjes së saj, megjithatë, Ukraina ka mohuar se ishte e përfshirë.

“Unë e konsideroj një krim barbar për të cilin nuk mund të ketë falje. Shpresoj që hetimi të përfundojë shpejt dhe sipas rezultateve të këtij hetimi sigurisht që nuk mund të ketë mëshirë për organizatorët, ata që e porositën këtë dhe autorët” tha Lavrov.

LEXONI GJITHASHTU:

• Rusët kërkojnë hakmarrje, babai i Daria Dugina: Të fitojmë luftën në emër të saj