Vrasja e dyfishtë në Vushtrri, Prokuroria zbardh dyshimet e para

Një ngjarje e rëndë ka ndodhur pasditen e sotme teksa dy persona kanë mbetur të vrarë në Vushtrri të Kosovës. Burime bëjnë me dije se pronari i një furre buke dyshohet se ka vrarë punëtoren e tij dhe më pas ka kryer vetëvrasje.

Lidhur me këtë rast, Prokuroria Themelore e Motrovicës ka dhënë një njoftim zyrtar.

“Një e vrarë dhe një i vetë vrarë në Stanoc të Vushtrrisë

Si pasojë e te shtënave dy persona kanë mbetur të vdekur në fshatin Stanoc të Vushtrrisë.

Dyshohet se një burrë fillimisht e ka privuar nga jeta një grua, dhe pastaj ka bërë vetëvrasje.

Në vendngjarje ka dalur prokurori kujdestar i PTH Mitrovicë.

Në vendngjarje janë gjetur disa gëzhoja që dyshohet se janë përdorur në këtë krim. Janë duke u intervistuar dëshmitarë dhe në koordinim me policinë janë duke u hetuar të gjitha rrethanat që kanë quar në këtë ngjarje të rëndë.

Me respekt,

Prokuroria Themelore e Mitrovicës”, thuhet në njoftim.

LEXONI GJITHASHTU:

• Detaje nga ngjarja në Kosovë, pronari i furrës qëlloi punëtoren dhe më pas veten
• Vushtrria nuk gjen qetësi: Të shtëna në një furrë buke, dyshohet për dy viktima