English

Vrasja e efektivit në Fier, Rrumbullaku: Uniforma e Policisë është e shenjtë

KOMENTE

SHPERNDAJE
ARTIKULLIN

Text sizeAa Aa

Drejtori i Përgjithshëm i Policisë së Shtetit, Muhamed Rrumbullaku, ka reaguar lidhur me ngjarjen e rëndë të ndodhur në Fier, ku një efektiv policie, Novruz Cenalia, u vra më armë zjarri.

- Advertisement -

Përmes një postimi në rrjetet sociale, Rrumbullaku pasi shprehu ngushëllimet për familjarët e viktimës, tha se kushdo që prek uniformën e Policisë do të marrë përgjigjen më të ashpër ligjore.

Ai tha se uniforma e Policisë së Shtetit është e shenjtë dhe u zotua që do të vendoset para përgjegjësisë ligjore autori i ngjarjes.

Reagimi i Rrumbullakut:

Policia e Shtetit dhe unë personalisht ndjehemi thellësisht të tronditur nga vrasja e punonjësit të policisë Novruz Cenalia, mesditën e 13 Majit 2024. Ndarja e parakohshme nga jeta e një djali të ri si Novruz Cenalia na ka hidhëruar të gjithëve, familjen e tij, që është zhytur në lot e zi, dhe familjen e madhe të Policisë së Shtetit.

Për të gjithë ne, kjo dhimbje bëhet edhe më e hidhur kur jeta e një punonjësi të Policisë së Shtetit ndërpritet nga dora e një vrasësi, që ende është i lirë. Unë zotohem në emër të Policisë së Shtetit se, do të bëjmë gjithçka për ta vendosur para ligjit autorin e vrasjes së Novruz Cenalisë.

Shpreh bindjen se i gjithë opinioni publik ndodhet sot përkrah familjes Cenalia dhe Policisë së Shtetit dhe do të ndihmojë në kapjen e autorit të krimit.

E kam theksuar me forcë, edhe pak ditë më parë, gjatë ceremonive përkujtimore për të rënët e policisë, se uniforma e Policisë së Shtetit është e shenjtë. Kushdo që guxon të cenojë uniformën e policisë, shëndetin dhe jetën e punonjësve të saj, do të marrë përgjigjen më të ashpër ligjore.

Drejtori i Përgjithshëm i Policisë së Shtetit,

Drejtues Madhor Muhamet Rrumbullaku

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×