Gjykata ka vendosur masën e sigurimit “Arrest në Burg” për Klodian Berishën dhe Erion Ndonin, të dyshuar për vrasjen e Ermir Dedjas.

Autorët kontrabanduan automjetin që u përdor për vrasjen, si dhe një tjetër automjet që mund të ishte përdorur për një ngjarje tjetër kriminale.

Vendimi është marrë pas shqyrtimit të kërkesës nga prokuroria dhe mbështetur në dyshimet e ngritura për kryerjen e veprës penale “Kontrabanda me mallra të tjerë”.

Në lidhje me ndalimin e datës 03.06.2025, gjykata ka vlerësuar si të ligjshëm ndalimin e personave nën hetim, Erion Ndoni dhe Klodian Berishës duke caktuar masën e sigurimit personal “Arrest në Burg” për të dy.

Njoftimi i vendimit zyrtar:

1. Vleftësimin e ligjshëm të ndalimit të datës 03.06.2025 të personave nën hetim E. N. dhe K.B., të dyshuar për kryerjen e veprës penale “Kontrabanda me mallra të tjerë”, parashikuar nga neni 174/2 të Kodit Penal.

2. Caktimin e masës së sigurimit personal “Arrest në burg”, parashikuar nga neni 238 i K.Pr.Penale, ndaj personave nën hetim E. N. dhe K.B.

3. Urdhërohet Prokuroria dhe Policia Gjyqësore për zbatimin e këtij vendimi.

4. Kundër këtij vendimi mund të bëhet ankim brenda 5 ditëve në Gjykatën e Apelit të Juridiksionit të Përgjithshëm Tiranë, duke filluar ky afat nga e nesërmja e komunikimit të vendimit të arsyetuar.

U shpall sot në Durrës, më datë 07 Qershor 2025.