Policia e Shtetit ka shpallur në kërkim një 41 vjeçar nga Vlora si i dyshuar në atentatin ndaj Gentjan Bejtjas në Fushë Krujë, si dhe ka zbardhur gjithë dinamikën e ngjarjes.
Nga vlerësimi i provave dhe fakteve Gjykata e Shkallës së Parë në Tiranë ka vendosur caktimin e masës së sigurimit personal “Arrest në burg”, në mungesë, ndaj shtetasit Flodian Plaku.
Ky i fundit është shpallur në kërkim ndërkombëtar.
Nga hetimet ka rezultuar se autorët janë afruar tek banesa e shtetasit Gentjan Bejtja me automjetin tip “Land Rover Discover” me ngjyrë të zezë dhe pas atentatit, po me këtë automjet janë larguar në aksin rrugor Larushkë – Thumanë.
Pass kalimit të mbikalimit të Fushë Krujës, janë kthyer majtas dhe në fshatin Hasan kanë djegur automjetin.
Autorët janë larguar me një automjet tip “Volkswagen Golf” me ngjyrë të zezë, pa targë në pjesën e pasme, duke ndjekur intinerarin nga vendi i djegies së automjetit në drejtim të rrugës kryesore Thumanë-Fushë Krujë.
Automjeti me targë AB960GG, ka qenë në pronësi të shtetasit Edison Haxhiu, 30 vjeç, lindur në Milot.
Po kështu, ka rezultuar se ky automjet është përdorur edhe nga shtetasi Ilir Beqaraj alias Ilir Brahimi alias Ilir Mançellari, lindur në Milot, Kurbin dhe banues në Tiranë.
Në vazhdim të veprimeve hetimoreështë bërë i mundur shoqërimi në ambientet e Policisë i shtetasit Ilir Beqaraj alias Ilir Brahimi alias Ilir Mançellari.
Hetimet vazhdojnë për identifikimin e autorëve të tjerë.
LEXONI GJITHASHTU:
- Vrasja e Gentian Bejtjas në Fushë-Krujë, Apeli lë në burg Haxhiun dhe Beqarajn
- Vrasja e Gentjan Bejtjas/ Rexhepi: Hakmarrje personale, i gjetën 30 plumba në trup
