Vrasja e gjyqtarit Kalaja, zbardhet dëshmia e Gjon Shkambit në Gjykatën e Apelit

Gjykata e Apelit këtë të hënë ka marrë vendimin për të lënë në burg Gjon Shkambin, xhaxhi i autorit të vrasjes së gjyqtarit Astrit Kalaja. Shkambi kërkoi lirimin por Gjykata e Apelit la në fuqi masën e shkallës së parë.

Gjatë seancës Shkambi ka hedhur poshtë pretendimet se ai kishte dijeni që nipi i tij Elvis Shkambi kishte armë me vete. Ai theksoi se nëse do kishte zgjedhur dhunën do ta kishte bërë më përpara por vendosi prej 30 vitesh të ndiqte rrugët gjyqësore.

“I shpreh ngushëllime familjes së gjyqtarit Kalaja dhe kolegëve të tij. Nuk kam patur dijeni që nipi im të ketë patur armë, ta dija do e kisha parandaluar. Unë kam konflikte me vëllezërit e mi ndaj ma kanë vënë pas nëpër gjyqe nipin tim Elvisin pasi dyshonin se t’u bëja dredhira.

Nuk kam pasur ndërmend ti zgjidhja me dhunë këto gjëra pasi kam 30 vjet që kam zgjedhur rrugën gjyqësore. Nëse do kisha zgjedhur dhunën, do e kisha bërë më përpara”, tha Shkambi.

LEXONI GJITHASHTU:

• Raundi i dytë i zgjedhjeve në 18 komuna, emigrantët nisin votimin përmes postës
• “Irena Gjoka rezulton e dënuar në Greqi?” Çela: Deklarimi i rremë është vepër penale