Vrasja e Liridonës u porosit nga bashkëshorti, vëllai “i vë kryq” mbiemrit Murseli

Familjarët e Liridona Murselit, e cila u ekzekutua mbrëmjen e 29 nëntorit, me porosi të bashkëshortit të saj Naim Murseli, kanë reaguar duke njoftuar anulimin e pritjeve  të njerëzve.

Ka qenë babai i të ndjerës ai i cili ka shkruar:

“Shokë dhe miqë për shkaqe familjare me keq ardhje e bejm anulimin e te pames i falenderoje gjithe pjesnarrje ne vorrim” , shkroi mbrëmë prindi i Naim Murselit në rrjetet sociale.

Sapo është anuluar “e pamja”  prindërit e Naim Murselit kanë vendosur të kthehen në Suedi dhe se familja Ademaj, familjes Murseli i ka dhënë dy ditë besë.

Vëllai i Kushtrim Kokallës, Kanoni duke folur për median kosovare ka thënë se ndjehet i shokuar nga zhvillimet e fundit, duke thënë se vëllai i tij është i pafajshëm.

“Tri familje jemi ekstrem keq. Të shokuar. Si familjarët e Liridonës, si prindërit e Naimit, si ne, komplet jemi të shokuar. Po n’a duket si ëndërr e s’po mundemi me besu. Përpos nëse çmendesh, se nuk ka kurrfarë arsye një njëri me e bë atë send” ka thënë Kanon Kokalla për Indeksonline”.

Ndërkohë shenja e krisjes së marrëdhënieve mes dy familjeve Murseli dhe Ademi është shfaqur edhe nga vëllai i Liridonës.

Vëllai i Liridonës, Liridon në një postim në facebook i vendosi kryq mbiemrit të Murselit.

Policia ka sekuestruar një pistoletë me të cilën dyshohet se u krye krimi si dhe 19 fishekë dhe një veturë që dyshohet se u përdor nga autorët.

LEXONI GJITHASHTU:

• “Ndal femicidit, drejtësi për Liridonën”, të dielën marshim-protestë në Tiranë
• FOTO| Pjesëtar i FSK-së, kush është i arrestuari i 3 për vrasjen e Liridonës