Vrasja e Pjerin Xhuvanit, shtyhet sërish seanca ndaj Arbër Paplekajt

Seanca gjyqësore në Gjykatën e Elbasanit ndaj Arbër Paplekajt është shtyrë për në 22 dhjetor ora 09:00.

Seanca është shtyrë pasi gjykata kërkon kohë që të shqyrtojë kërkesat e avokatëve.

Këta të fundit kërkojnë që të pandehurit të gjykohen veçmas pasi akuzohen për vepra të ndryshme penale.

Ndërkohë kërkohet që të shqyrtohet mundësia e gjykimit të shkurtuar për të pandehurit e tjerë me përjashtim të Arbër Paplekajt.

Vrasja e Pjerin Xhuvanit në Elbasan ndodhi katër ditë përpara zgjedhjeve të 25 prillit.

Paplekaj ishte pjesë e grupit të Partisë Demokratike, që ishte ngritur me qëllim mbrojtjen e votës.

Atë ditë, pas një sherri verbal, u përdorën edhe armë, ku u plagosën edhe 4 persona të tjerë.

Paplekaj pranoi krimin dhe u vetëdorëzua në Repartin e Forcave RENEA në Tiranë, duke thënë se qëlloi për vetëmbrojtje pasi u qëllua më parë nga persona që, sipas tij, po blinin vota.

LEXONI GJITHASHTU:

• Shtyhet gjyqi i Arbër Paplekaj, ish-efektivi i akuzuar për vrasjen e 21 prillit 2021
• Gjyqi u shty 5 herë, pritet sot vendimi për Arbër Paplekaj
• 31 marinarë të zhdukur, luftanija përmbyset në Gjirin e Tajlandës