Vrasja e Vladimir e Gramoz Kurtaj, Gjykata vendos për Altin Kukën dhe 3 të tjerë

Gjykata e Fierit caktoi masën e sigurisë ‘burg pa afat’ për Altin Kukën, dy djemtë e tij, Emaurisio dhe Ervis, si dhe Tomorr Zykën, i cili strehoi të rinjtë pas vrasjes se Vladimir dhe Gramoz Kurtaj.

Akuza e Prokurorisë për babain dhe dy djemtë është ‘vrasje në bashkëpunim’ dhe ‘vrasje në rrethana cilësuese’, ndërsa për Tomorr Zykën, përkrahje e autorit të krimit. Në një seancë maratonë gjyqtarja Gladiola Bregu shqyrtoi dosjen e Prokurorisë, detaje të së cilës janë konsideruar sekret hetimor. Të katër personat e akuzuar nga Prokuroria kanë qëndruar të heshtur në Gjykatë, duke lënë në fuqi deklaratën e parë të Altin Kukës, që tha se i vrau dy vëllezërit për shkak të sherrit mes djemve të tij dhe të viktimave.

Më herët në Polici Altin Kuka dhe djemtë deklaruan se sherri kishte nisur fillimisht mes djemve të viktimave dhe një punonjësi në pularinë e familjes Kuka. Më pas Gramoz dhe Vadimir Kurtaj kanë takuar babanë 79-vjeçar te Altin Kukës për t’u sqaruar. Por nga ky takim situata është përkeqësuar deri sa Altin Kuka mori kallashnikovin dhe e zbrazi në drejtim të dy vëllezërve.

Katër ditë pas ngjarjes ende nuk ka një motiv të qartë për vrasjen e dyfishtë në Kurjan. Altin Kuka u vetëdeklarua fajtor pasi u vetëdorëzua në Polici duke rrëfyër edhe shkakun e krimit që kreu.

Por familjet Kuka dhe Kurtaj kishin miqësi të vjetër dhe mbetet e pakuptimtë pse Altin Kuka arriti deri aty sa të vrase me gjakftohtesi bashkefshataret dhe miqte e tij.

Detaje te dosjes se prokurorise jane klasifikuar sekret hetimor duke lene te hapur pistat per zbardhjen e motiveve te ngjarjes. Per ngjarjen e rende është proceduar penalisht edhe babai i Altin Kukës, i cili akuzohet për armëmbajtje pa leje.

LEXONI GJITHASHTU:

• Vrasja e dyfishtë në Roskovec, dalin para gjykatës autori e të përfshirë të tjerë
• Si ndodhi vrasja e dyfishtë në Kurjan, zbardhet dinamika: Fillimisht u zunë fëmijët