“Vrasja me snajper në Vlorë po zbardhet”- Balla: Jemi drejt arrestimit të autorëve

Ministri i Brendshëm Taulant Balla, ishte këtë të premte në Vlorë, së bashku me Drejtorin e Përgjithshëm të Policisë së Shtetit, Muhamet Rrumbullaku, në analizën vjetore të policisë së këtij qyteti për vitin 2023.

Balla në një komunikim për mediat foli edhe në lidhje me ngjarjen e rëndë të 7 janarit, ku u vra me snajper 23-vjeçari Gëzim Sinomatit.

Ministri i Brendshëm deklaroi se në saj të hetimit, janë afër për zbardhjen e ngjarjes, evidentimit dhe arrestimit të autorëve.

“Është një ngjarje kriminale e rëndë për të cilën është angazhuar personalisht drejtori i përgjithshëm së bashku me drejtues vendorë. Besoj se në pistën kryesore që kemi do shkojmë drejt dokumentimit dhe arrestimit të personave”- tha Balla.

I pyetur në lidhje me efekshmërinë e kontrolleve të forcave të ndërhyrjes së shpejtë dhe RENEA-s, të cilat prej 11 ditësh vazhdojnë të qëndrojnë në Vlorë, Balla tha se motivi i kontrolleve nuk ka të bëjë vetëm me zbulimin e autorëve të ngjarjes por edhe goditja e krimit në disa fronte.

LEXONI GJITHASHTU:

• Atentati në Vlorë| Pistë e re për hetimet, autorët mund të kenë ngatërruar objektiv
• Në blind e me pranga, Sinomati varros të birin. Rrumbullaku hap dosjet e vjetra
• Publikohet fotoja e 23-vjeçarit të vrarë me snajper në Vlorë