Vrasje në Durrës/ Viktima u qëllua me thikë, në kërkim autori

Një ngjarje e rëndë ka ndodhur mbrëmjen e sotme në lagjen nr. 12 të qytetit të Durrësit, ku një person është gjetur i pajetë në banesën e tij. Sipas të dhënave paraprake, dyshohet se viktima nuk ka humbur jetën për shkaqe natyrale, por është goditur me thikë.

Ngjarja është zbuluar vetëm pak minuta më parë, ndërsa në vendin e ngjarjes kanë mbërritur menjëherë forcat e policisë, të cilat kanë rrethuar zonën dhe po kryejnë veprimet hetimore.

Identiteti i viktimës ende nuk është bërë publik, ndërkohë që grupi hetimor po punon për zbardhjen e plotë të rrethanave të krimit dhe identifikimin e autorit të dyshuar. Policia e Durrësit vijon punën në terren.

LEXONI GJITHASHTU:

• Sherr masiv në Durrës, plagosen me sende të forta një burrë dhe një grua
• Teuta dhe Vllaznia ndajnë pikët në Durrës, Egnatia triumfon ndaj Tiranës