Vrasjet banale, psikologia: Shkak mungesa e besimit në drejtësi dhe varfëria mendore

Tre vrasje për motive të dobëta ndodhën të martën në Shqipëri, duke alarmuar opinionin publik dhe ekspertët e fushës së psikologjisë.

Duke folur në emisionin “NOW me Erla Mëhillin, psikologia Denada Toçe tha se rastet e vrasjeve për motive të tilla banale lidhen ngushtësisht me varfërinë mendore dhe shëndetin mendor, por gjithashtu reflektojnë probleme më të thella sociale.

“Duhet të pranojmë se në shumë shtresa shoqërore konfliktet përfundojnë shumë shpejt me marrje jete. Kemi vende ku vritet për një gardh, për një pule e në fund të ditës për një nder. Vazhdojmë të trashëgojmë pjesën e vetëgjyqësisë dhe mungesën e besimit në sistemin e drejtësisë, ku nuk kultivohet mbrojtja dhe respekti ndaj qytetarit,” tha Toçe.

Ajo shtoi se ruajtja e nderit dhe e emrit është pjesë e psikologjisë sociale, që shfaqet qartë në konfliktet familjare:

“Karakteristike e kulturave familjare në pjesën më të madhe ku dominon varfëria, përveç asaj intelektuale dhe ekonomike, është dhuna e lartë. Fëmijët rriten duke legjitimuar dhunën në familje, dhe kjo është një arsye për shtimin e dhunës dhe bullizmit. Shpesh shohim që edhe prindërit i bullizojnë fëmijët,” shtoi psikologia.

LEXONI GJITHASHTU:

• EMRI| Vritet më thikë 42-vjeçari në Berat
• Tiranë/ Vrasje në Komunën e Parisit, ndërron jetë i plagosuri pas goditjes me thikë