Vrau 14-vjeçarin, autori publikoi në rrjet thikën dhe dorën e gjakosur pas krimit

Një ditë pas vrasjes së 14-vjeçarit, Martin C., pranë shkollës 9-vjeçare “Fan Noli” në Tiranë, policia ka arrestuar këtë të martë autorin. Ai është moshatar i viktimës, M. P., për të cilin tashmë rëndojnë dy vepra penale: “Vrasja me dashje” dhe “Mbajtja pa leje e armëve të ftohta”.

Pas krimit të rëndë 14-vjeçari publikoi në rrjetin social Snapchat, një foto të tij me dorën e gjakosur, si dhe thikën me të cilën kreu vrasjen.

I plagosur, autori i krimit mori ndihmë mjekësore në një spital privat në Tiranë, ku dhe u arrestua nga policia.

Nga sherri i ndodhur të hënën, u plagos edhe i mituri tjetër me inicialet L.M., i cili ndodhet jashtë rrezikut për jetën.

Në konfliktin direkt u përfshin 3 adoleshentë: viktima Martin C., shoku i tij L.M., që ishte nxënës në shkollën private “Mustafa Qemal Atatürk” në Sauk, dhe autori, i cili po ashtu ishte nxënës i shkollës “Fan Noli”.

LEXONI GJITHASHTU:

• Homazhe për 14-vjeçarin që u vra me thikë, shokët ndezin qirinj te vendi i krimit
• U qëllua me thikë në zemër nga bashkëmoshatari, ndërron jetë 14-vjeçari në Tiranë