Vrau babanë me sende të forta, arrestohet 37-vjeçari në Mallakastër

Policia ka arrestuar autorin e ngjarjes së rëndë të ndodhur një natë më parë në Mallakastër, ku mbeti i vrarë 73-vjeçari Qemal Muhametaj.

Policia lokale tha se pas disa orë kërkimesh të pandërprera u bë e mundur kapja dhe arrestimi në flagrancë i shtetasit Mariglen Muhametaj, 37 vjeç, i cili vrau me sende të forta babanë e tij.

Materialet do i kalojnë Prokurorisë, për veprime të mëtejshme procedurale, për veprën penale “Vrasja, në rrethana të tjera cilësuese”.

Ngjarja e rëndë ndodhi mbëmjes e së enjtes ku 37-vjeçari i cili sipas policisë vuan nga probleme të shëndetit mendor, qëlloi të atin me hekur në kokë duke i shkaktuar vdekjen.

LEXONI GJITHASHTU:

• Djali vret babain në Mallakastër
• Vritet me armë 36-vjeçari shqiptar në Itali