Vrau ish-gruan shtatzënë para maternitetit të Prishtinës, vret veten 31-vjeçari

Ministri Xhelal Sveçla ka njoftuar se i dyshuari për vrasjen e shtatzënës 35-vjeçare, Sokol Halili ka vrarë veten.

Në një postim që ka bërë në rrjetet sociale, ministri shkruan se edhe pse policia ka tentuar të negociojë me 31-vjeçarin që të dorëzohet ai nuk ka pranuar dhe ka vrarë veten.

Sveçla thotë se Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së Halilit.

Me tre plumba, 35-vjeçarja Hamide Magashi u qëllua për vdekje nga ish bashkëshorti i saj Sokol Halili, 31 vjeç në oborrin e maternitetit të Prishtinës.
Magashi ishte shtatzënë, në ditën e fundit të saj të shtatzënisë dhe priste që këto ditë të sillte në jetë fëmijën e saj.

Ngjarja ndodhi në orën 18:00, ndërsa dyshohet se shkak kanë qenë mosmarrëveshjet që ata të dy kanë pasur me njëri-tjetrin.

Rasti ka nxitur reagime të shumta nga qytetarët, analistët por dhe politikanët.

LEXONI GJITHASHTU: 

• “Mentaliteti patriarkal vrau 35-vjeçaren”, aktivistja komenton ngjarjen e rëndë
• Vrau ish-gruan shtatzënë para maternitetit të Kosovës, vret veten 31-vjeçari
• Gazetarja debat me avokatin: Viktima la punën, ia morën të ardhurat dhe e mbyllën