“Mentaliteti patriarkal vrau 35-vjeçaren”, aktivistja komenton ngjarjen e rëndë

“Mentaliteti patriarkal vrau 35-vjeçaren Hamide Magashin, e cila ishte edhe shtatzënë”.

Kështu deklaroi në një intervistë për Euronews Albania aktivistja Erza Kurti, e cila tha se burrat i konsiderojnë gratë si pronë të tyre.

“Është një shkak shumë kryesor që është mentaliteti patriarkal. Burrat mendojnë se gratë i kanë pronë të tyre. Në rast de dëshirojnë të divorcohen u merret edhe jeta. Pra, mentaliteti patriarkal është duke ndikuar jashtëzakonisht shumë si për dhunë apo vrasje ndaj grave”, u shpreh ajo.

Mbrëmjen e së mërkurës Sokol Halili vrau ish-bashkëshorten e tij shtatzënë në oborrin e Klinikës së Gjinekologjisë në Prishtinë. Gruaja, siç është raportuar, do të sillte në jetë fëmijën brenda këtyre ditëve.

35-vjeçarja ishte e pajisur edhe me urdhër-mbrojtjeje.

Policia e Kosovës ka kërkuar nga qytetarët informacione, të cilat do të ndihmonin në arrestimin e autorit, i cili ende ndodhet në arrati.

LEXONI GJITHASHTU:

• Gazetarja: Ish-vjehrra e ka kërcënuar 35 vjeçaren, do ta marr fëmijën i thoshte
• Gjenetika e kancerit, Xhetani: Po synohet që çdo individ të trajtohet sipas gjeneve
• Certifikata false për xhama të zinj, arrestohen 6 persona, ndër ta 4 zyrtarë