Vrau kunatën dhe veten, autori ish-ushtarak. “Misteri” i armës që u gjet larg trupit

Krimi në familje godet sërish. Në orët e para të mëngjesit të së shtunës, në zonën e Shkozës, një 43-vjeçar vrau kunatën dhe më pas edhe veten. Krimi i dyfishtë u regjistrua rreth orës 4 e 30 të mëngjesit.

Roland Sinani qëlloi me pistoletë në dhomën e gjumit kunatën e tij Migena Sinani e cila ndodhej me vajzën e mitur në krevat, e më pas qëlloi edhe veten në oborrin e banesës 1 katëshe. Bashkëshoriti i viktmës, njeherazi edhe vëllai i autorit në momentin e ngjarjes nuk ndodhej në banesë, për shkak se punonte shofer taksie në turnin e 3-të.

Sipas informacioneve 43-vjeçari Sinani kurohej prej kohësh për depresion dhe probleme të shëndetit mendor ndërsa grupi hetimor e ka ende të paqartë motivi e ngjarjes së rëndë. Të njohurit e autorit kanë deklaruar në polici se Roland Sinani nuk ishte person problematik dhe kohët e fundit punonte në një gomisteri.

Më herët ai ka qënë ushtar në forcat e armatosura, ndërsa pistoletën e kishte pa  leje. Arma e krimit u gjet disa metra larg  trupit të viktimës dhe hetuesit kanë dyshime se është  zhvendosur nga babai i autorit i cili mësohet se vuan nga skleroza.

LEXONI GJITHASHTU:

• Burri i 37-vjeçares s’ishte në shtëpi, punonte taksist, detaje nga vrasja në Shkozë
• Krim brenda familjes në Tiranë, 43-vjeçari vret me armë kunatën, e më pas veten
• Shpërndanin kokainë në Durrës, kush janë të famshmit e Tik Tok të arrestuar